Ingibjörg Friðriksdóttir

2003-05-31T11:46:00.000-02:00

Nú eru mánaðarmót enn einu sinni . Mikið líður tíminn hratt. Í dag átti að vera lóðartiltektardagur heima hjá mér en var blásinn af vegna rigningarinnar. Í staðin fór ég í langan göngutúr - og fannst rigningin góð. Ég hef í rauninn verið mjög dugleg í - hreyfingu - upp á síðakastið, ekki veitir af eftir alla kyrrsetuna fyrir framan tölvuskjáinn í vetur. Nú er sem sagt komin tími til að verða fitt og úthaldsgóð fyrir Berlínarförina, því ég veit að ég á eftir að hreyfa mig mikið þar. Hlakka ég sérstaklega til að hjóla um og finna fyrir hlýrri gollunni, það er eitt af því sem mér finnst æðislegast. Ég hlakka nú líka til að hitta námsfélagana á staðbundnum lotunum í næstu viku og að láta kenna mér. Ég er skráð í Hugbúnaður og margmiðlun hjá Stefáni Jökulsyni og Fjarnám og kennsla hjá Láru Stefáns. Ég er smá smeik að þetta verði of mikið fyrir mig þar sem ég er með margt annað á prjónunum í sumar en það verður bar að koma í ljós. Kúrsinn hjá Láru er byrjaður og líst mér vel á hann. Svo er Lára lika svo kröftug í kennslunni.

2003-05-21T20:31:00.000-02:00

Svona í lokin þegar ég fór yfir skilavefinn minn fannst mér hann ekki nógu skýr. Ég sá líka að uppsetninginn bauð ekki upp á að hann yxi frekar. Ég dreif mig því í umbætur og breytti honum án þess að breyta útlitinu neitt sérstaklega. Ég nota fléttiglugga til að fara lengra inn í vefinn. (Lærði það hjá Birni á staðbundnulotunni). Skilasíðu námskeiðsins Nám og kennsla á netinu breytti ég líka til einfalda og gera aðgengilegri. Rauninni var þetta ögrandi verkefni því að ég hafði með fikti mínu á staðbundulotunni eytt út allri vinnumöppunni minni með öllum Fireworkskjölunum fyrir viðmót vefíns og myndum.Þurfti ég því að fiksa þetta dálítið til. Þessa vikuna er ég líka í Golfkennslu - námskeiði fyrir konur undir góðri handleiðslu skólasystur okkar Önnu Díu. Hún er smellgóður kennari. Meira um það seinna.

2003-05-16T09:03:00.000-02:00

Ekki fóru kostningarnar eins og ég hefði vonað og ekki er þetta glæsilegt fyrir stöðu kvenna á þingi. Hörmulega slysið í Vestmannaeyjum kostninganóttina hefu samt átt hug minn allan þessa vikuna. Sorgin er svo óbærileg. Stúlkubarnið sem keyri er bara 17 ára gömul og með 10 daga gamalt bílpróf. Stúlkan sem dó er hennar allra besta æskuvinkona.
Hvað náminu líður tel ég mig búna með mitt. Hef því haft ráðrúm til að vinna í öðrum forritum mér til gagns og gamans. Ég hef líka verið ötul að nota nýju stafrænu myndavélina mína. þvílíkur lúksus að geta sett myndirnar nánast beint af vélinni á netið. Dóttir mín í Berlín nýtur góðs og fær fréttir samstundis. T.d af útskriftarsýningu LHÍ.

Myndirnar voru komar til hennar áður en opnunin var fyrirstaðin. Fábært.

Nú í dag byrjar sumarnámskeið hjá Láru Stefánsdóttur. Ég hlakka til að vinna með henni. Nýjungin hjá mér verður að ég fer til Berlínar eftir staðbundnu lotuna og vinn þar. Sem sagt pottþétt farnám.

2003-05-08T20:56:00.000-02:00

Ég er búin að taka púlsinn hjá samnemendum í kvöld með því að lesa annála. Mér finnst virkilega margir vera að gera mjög flotta og spennandi hluti svo ég tala ekki um dugnaðinn í heilsurækt og martargerð. Vorið er skemmtilegur tími ekki síst hvað framkvæmdagleði varðar. Ég hef sjálf verið að breyta og endurskipuleggja hérna heima og langar til að gera margt fleirra. En þetta er líka tími prófa og yfirferðar svo ég ætti heldur að einbeyta mér af því. Ég tel mig vera í nokkuð góðum málum í sambandi við lokaverkefnið og kennsluverkefnið svo ég hef verið að prófa mig áfram í forritinu Freehand. Ég sé að áfanginn minn í tvívíðri formfræði mun færast að miklu leiti í tölvur í framtíðinni. Tölvan er mjög ákjósanlegt verkfæri fyrir þessar pælingar. Svo er þetta líka svo skemmtilegt. Önnur kisan mín er orðin tölvnörd. Hún vill helst alltaf vera með mér við tölvuna.Ég er ekki alltaf jafn hrifin því hún fer endalaust úr hárum.

2003-05-05T12:35:00.000-02:00

Þá er málingavinna helgarinnar afstaðin og allt orðið fínt og snyrtilegt. Púl vinna en þakklát því árangurinn sérst straks. Þessa stundina er ég með sjúkarpróf i töflureikninum Excel á Netinu. Ég hef lagt fyrir próf áður á þennan hátt og gengur það bara mjög vel upp. Með póstinum áðan fékk ég svar frá KHÍ um að umsókn mín um framleingingu námsins væri samþykkt, svo ég verð með næsta vetur.

Ég skelli líka mynd með af málingarliðinu.

2003-05-02T07:33:00.000-02:00

Ég skráði mig á námskeið í FreeHand sem átti að byrja í byrjun mánaðarins. Námskeiðið fellur niður vegna slæmrar þátttöku. Spæling. Því er ég búin að sitja við og læra á forritið upp á eingin spítur. Ástæðan er sú að ég ætla að breyta áfanga í tvívíðri formfræði sem ég kenni í haust, þannig að nemendur vinna að hluta verkefnin sín í tölvum. Mér finnst þetta sjálfri mjög skemmtilegt og á til að gleyma stund og stað. Ég er nú reyndar að fara á annað námskeið. Golfnámskeið fyrir konur hjá Önnu Dís. Ég hlakka mjög til og held að það sé verulega holt og gott fyrir mig að vera svolítið meira utandyra og ekki óþarfi að þjálfa líkamann líka.... Kannski ég taki myndavél með.... Ég kann ekkert í golfi en til þess er nú leikurinn gerður. Að læra. Ég fer með góðri æskuvinnkonu og finnst það sérstaklega skemmtilegt.
Kennslan hjá mér er búin og prófa og yfirferðartími tekin við. Seks af sjö umsjónanemendum mínum sem sóttu um í LHÍ komust í viðtal sem er fyrsta sían. Flott útaf fyrir sig því það sóttu 250-300 um inntöku. Niðurstöður ligga fyrir á föstudaginn og spennan er í hámarki hjá okkur öllum. Þetta eru flottir og metnaðarfullir nemendur.
Á opnun stuttmyndahátíðar sá ég heimildamynd ísralelskar konu. Hún fjallar um sættir og samband hennar við hryðjuverkamann sem fékk tvöfaldan lífstíðardóm eftir áras, sem hún lifði af 1976, fléttað saman með sögu landsins. Athygglisverð heimildarmynd. En núna um helgina stendur mikið til. Við systkinin ætlum að koma móður okkar, sem er stödd á sólarströnd á óvart og mála íbúðina hennar . Hún mamma er nefnilega dálítið sniður. Hún er oft að segja okkur sögur af svona fyrirmyndabörnum sem allir eiga út um allt land. Og ekki getum við verið minni.

2003-04-24T21:08:00.000-02:00

Á þriðjudaginn var fór ég í heimsókn á minn gamla vinnustað, Rimaskóla. Þar var virkilega notarlegt. Ég kenndi þar myndlist í 5 góð ár. Tölvustofan þar hefur heldur betur breyst upp á síðkastið. Þar er komin snertiskjár sem mér fannst svakaflottur og ég fór á flug í sambandi við stafrænamargmiðlun í myndlistarkennslu. Það sem mér þótti samt allra merkilegast var það sem tölukennarinn sagði. "Að töluver væru að verða úrelt fyrirbæri." Tölvuver framtíðarinnar, með tilkomu þráðlaus nets, yrðu fartölvur á vögnum sem keyrð væru á milli stofa. Fyrir myndlistarkennslu er þetta frábær framþróun og beytir möguleikum kennslunnar gífulega. Tölvan verður eitt verkfærið enn sem við höfum til að tjá okkur sjónrænt en þarf ekki að að koma í staðin fyrir hin sem fyrir eru. Frábært.
Í sambandi við lokaverkefni langar mig til að leggja fram þrjá vefi sem ég hef verið að vinna á önninni.

1. Kennsluvef fyrir Bókasafnstækna. Fjarnám fyrir fullorðna í markvissri tölvunotkun.

2. Kennsluvef fyrir nemendur í Upplýsinga og fjölmiðlafræði. Vmm 103 sem er vefhönnun, myndvinnsla og myndbandagerð.

3. Ferilsskrá. Um mig fyrir mig.

Þennan síðasta vef hef ég verið að vinna yfir páskana.

2003-04-19T16:41:00.000-02:00

Það síðasta sem ég bloggaði gat ég ekki séð þó aðrir sæu það. Stundum nota ég slóðina http://ingfri/blogspot.com en á öðrum stundum verður það að vera http://ingfri/blogspot.com/index.html. Blogg er dittótt og nú eru öll bulltáknin horfin og ég sé hvað skrifað var. Nú er bara að sjá þegar ég sendi þetta pár út á vefinn. Kemur það straks eða eftir viku????

Ég er búin að sita stíft við vinnu síðustu daga og unnið í vefi um eigin feril . Vefur um mig fyrir mig. Þetta er komið áleiðis enn vantar allar myndi en sem ég er að skanna inn. Verk sem ég hef lengi verið með í bígerð en ekki gefið mér tíma í. Og svo er mikið að gera í matarboðunum. Notaleg þessi frí og flott hjá okkur kennurum.

2003-04-16T15:22:00.000-02:00

Ég hef ekki bloggað í tvær vikur. Salvör var að senda mér línu og minna mig á. Þægilegt að finna að það sé fylgst með. Ég er heilmikið nýjungagjörn og fannst skemmtilegra að blogga til að byrja með þegar ég var að komast inn í þetta. Síðan þegar það er orðin vani dett ég út. Tek mig á.
Síðasta staðbundna lotan búin og ég komst að því að ég er mikið til búin með það sem ætlast er til af okkur með verkefnaskil. Því ætla ég að láta verða að því að vinna vef fyrir mig um mig yfir páskanna. Einhvað sem hefur staðið lengi til en aldrei tími til að vinna. En ég er eins og skjalbakan mín fer hægt. Ég dett niðrí hönnunar þáttinn og vil helst vera þar. Ég var nokkuð ánægð með staðbundnulotuna þó að ég var svolítið á hlaupum á milli KHÍ og Borgarholtskóla. Sérstaklega fannst mér gaman að sjá þessa nýju powerpoint möguleika og síðan læri ég ýmislegt af Bjössa í Fireworks. Dimmetering var í skólanum og mínir nemendur - umsjónanemendur að klára listnámsbrautina og margir stúdentinn með. Þau eru sjö sem sækja um í LHÍ og seks eru þegar komin í gegnum fyrstu síu þ.e.a.s þau fara í viðtal í dag og á morgun. Ég er að deyja úr spenningi með þeim því það er þvílík samkeppni að komst inn í Listaháskólann og ég er búin að vera með þeim í þessu síðastliðin þrjú ár. Í fyrradag heimsótti 15 ára frændi minn úr Vestmannaeyjum mig og var með mér eina dagstund. Mér finnst það merkileg, sérstakt en þó aðalega verulega vænt um að hann sækist enn í að vera með mér. Ég fékk lánaða upptökuvél í skólanum og við gerðum saman stuttmynd. Stuttmyndin fjallaði um hreyfingu. Síðan gróf-klipptum við hana um kvöldið. Þetta var mjög skemmtilegur dagur og einnig lærdómsríkur fyrir mig.

2003-03-31T07:09:00.000-02:00

Ég er búin að klára verkefnin sem Lára og Sólveig hafa umsjón með. Þá er næst á dagskrá kennsluverkefnið sem á að klára fyrir staðbundnulotuna. Ég tek undir það sem Þorkell segir í sínu bloggi að gott væri að fá nánari upplýsingar um þetta verkefni. Ég efast einnig um kennslufræðilegt gildi þess að við flytjum kynninguna á staðbundnulotunni. Þó að það eigi að taka hana upp á myndband hef ég á tilfinningunni að þetta sé endurtekning á því sem við gerðum á staðbundni lotu hjá Sólveigu fyrir jól. Nema hugsunun sé einhver allt önnur og ég hef ekki innsýn í hana.

2003-03-27T09:08:00.000-02:00

Nú slekk ég hinsvegar á öllum tölvum og skelli mér þangað sem mannlífið er með upptökuvélar. Ég þarf að undirbúa mig undir kennslu í myndbandsvinnu. Í kvöld rifja íg upp klippiforritið iMovi í Makkanum en þess á milli kenni ég 6 kennslustundi í módelteikningu. Ég verð til í slaginn á morgun. Er búin að taka saman kennsluefni og þó ég sé þokkanlegur byjandi í myndbandagerð hlakka eg til. Treysti ég á sköpunarþörf, reynslu annarra, tækiatriði og góðaskapið.

2003-03-27T08:48:00.000-02:00

Einnig er ég búin að ganga frá danskahlutanum af Nýting í skólastarfi. hjá henni Láru. Það tók smá tíma at finna tækniorðin því sá orðaforði ekki til á mínu tíma í Danaveldi. Og ég er búin að skrá tvær lýsingar inn í rannsóknavefinn. Notaði ekki strákana því best er að halda sé við landsins lög og reglur.
Samkvæmt nýjust fréttum frá Salvöru bíða okkar en mörg verkefni svo það er eins got að dragast ekki aftur úr.

2003-03-27T08:24:00.000-02:00

Ég er nokkuð ánægð með vinnuframlag mitt síðastliðinn sólahring. Ég dreif mig að gera vefleiðangurinn. Ég dróg hann á langin því ég var ekki búin að komast niður á nógu gott verkefni. Vefleiðangur henntar vel fyrir LIM 103 áfangi í listum og menningu en útfærslan vafðist fyrir mér og hélt að þetta yrði of umfangsmikið. Mikluferkar kennsluvefur. En hver veit nema þetta sé byrjunin. Svo er þetta með höfundarréttinn ég veit að ég er á mjög gráu svæði með að nota myndir annarra listamanna þar. Kannski alveg á svörtu. En þar sem þetta er lokal-kennsluvefur og eingöngu ein mest tvær myndir eftir hvern listamann tek ég áhættuna, þar sem myndbyrtingin þjónar kennslufræðilegum tilgangi.

2003-03-27T08:13:00.000-02:00

Ég er nokkuð ánægð með vinnuframlag mitt síðastliðinn sólahring. Ég dreif mig í að gera

2003-03-24T19:32:00.000-02:00

Ég gerði könnun í dag á tveimur strákum. Könnunin var gerð alveg spontant. Þeir komu inn í kennslustund hjá mér í tölvuverinu og báðu um að fá að fara í tölvu. Þurftu að afla sér upplýsinga um verkefni sem þeir voru að vinna. Það var sjálfsagt frá minni hálfu en ég spurði hvort ég mætti gera könnun á þeim í leiðinni. Ég útskýrði út á hvað þetta gengur og þeir gáfu samþykkti sitt. Eftir könnunina kom í ljós að þeir eru bara 16 ára og ég er ekki með samþykki foreldrana svo ég veit ekki hvort ég get notað þetta. Ég veit ekki einu sinni hvað þeir heita svo það verður erfitt að fá það á hreint. En það var virkilega gaman að fylgjast með þeim og það kom mér á óvart hvað þeir voru hnitmiðaðir og öruggir með sig. Svo voru þeir líka svo snöggir í öllum aðgerðum drengirnir að ég átti fullt í fangi með að skrá. Það var varla að ég sá hendurnar í fókus. Ég hafði á tilfinningunni að þeir voru mjög meðvitaðir um að ég væri að fylgjast með og að það hafði áhrif á innbyrðis samskipti þeirra. Þetta voru miklir töffara en örugglega feimnir og vildu ekki blotta sig. Þannig að þeir töluðu sáralítið saman. Mér þætti áhugavert að heyra annarra upplifun af þessu.
Lengi hefur mér þótt mikil vöntun að vera ekki með mína eigin stafrænu myndavélina. Ég hef alltaf notað ljósmyndi í þágu myndlistar. En nú svo komið að ég nenni ekki lengur að nota mína annars góðu myndavél, þar sem hún er upp á gama mátann. Svo að ég keypti mér vél um helgina. Eina þokkanlega góða. Og mikið er ég ánægð með enn nýja græju í þágu tækninna.

2003-03-21T07:23:00.000-02:00

Síðastliðna daga hefur blöggið mitt verið í algjöru ólagi. Allur skrifaður teksti horfin og skilaboðaskjóðan í rústi. Hvað gerðist veit ég ekki. Ég hef nefnilega í þetta skipti ekki verið að fikta sem svo oft áður. Sama hvað ég reyndi gat ég ekki fundið villuna. Ég barmaði mér við Hringkonur. Og viti menn, Hildur var snögg til og vandræðalaust lagaði hún blöggið fyrir mig. Tæknikunnátta hennar er á háu stigi og þakka ég kærlega fyrir mig. Um þessa helgi er dreifnám Bókasafnstækna. Vikan hefur farið í að undirbúa kennsluna þar. Þessi helgi verður tileinkuð töflureikninum Excel. Ég hef einnig unnið áfram í kennsluvefnum mínum fyrir Bókasafnstækina sem ég get því miður ekki vísað ykkur á því hann er læstur. Núna er hann að mestu fullgerður en með fyrirvara um endurnýjun og eðlilega uppfærslu. Ég sakna þess nokkuð að vera ekki í nánari tengslum við kennara námskeiðsins því mér hefði þótt mjög gott að fá krítik og kennslufræðilega leiðsögn um innihaldið. Ég vona nú að það komi að lokum. Í byrjun náms skráði ég mig í 15 einingar en hef núna sótt um lengingu á námi og ætla að taka diplóma, 30 einingar. Hver veit hvert framhaldið verður síðar.

2003-03-16T12:43:00.000-02:00

Ég er byrjuð að gera íslensku útgáfuna af verkefninu "Nýting í skólastarfi" en ætla mér meiri tíma til að þýða hana yfir á dönsku. Ég er svolítið óviss hvort ég er að skilja þetta rétt. En vonandi fæ ég viðbrögð frá ykkur ef ég er á rangri leið.

2003-03-15T17:58:00.000-02:00

Núna verð ég að athuga aftur eftir vesenið í morgun hvort ég get sett inn linka.
Byrjaði á að verkefni 2 hjá Láru. Var lengi að stað en skreið þó áfam. Það er samt ekki tilbúið á Vefinn ennþá. Held áfam á morgun.

2003-03-15T11:57:00.000-02:00

Ég er í vandræðum með að láta blöggið virka eins og ég vil, get ekki einusinni þurkað út ruglið. Ég ætlaði að setja link á samantektina mína en það virkar ekki. Set því slóðina hérna http://www.ismennt.is/not/ingfri/portfolia/ut.htm

2003-03-15T07:20:00.000-02:00

Nú er sannarlega tími til komin að fara að vinna aftur. Dóttir mín farin aftur til sinna heima og hverstagsleikin tekin við. Í morgun hef verið að lesa mig til og reyna að átta mig á því hvað við eigum að gera í lotunni hjá Láru. Ég er ekki alveg komin með fókus á það en það kemur vonandi. Fyrsta verkefnið, samantektina af

2003-03-09T08:06:00.000-02:00

Ferðin okkar Söru minnar á Snæfellnesið var yndisleg. .Við nutum þess svo sannarlega að ráfa um einar og saman með náttúrinni og myndavélunum okkar. Það var engan mann að sjá alla þá klukkutíma sem við löbbuðum fram og til baka milli Hellnar og Arnarstapa. Þetta var góð upplifun fyrir okkur borgarfólkið. Veðrið lék við okkur. Það var glampandi sólskin og hlýtt. Við athuguðum möguleikann að fara upp á Jökul á skíði/bretti en vegna snóleysis var það ekki ráðlegt.
Landslagsljósmyndun er erfitt viðfangsefni og fyrir leikmenn er það ekki að gera sig að fanga augnablikið á filmu eða hvað það núna kallast á stafrænar. Við tókum því frekar myndir af okkur, stundum með leikrænum tilþrifum og nærmyndir af því sem fyrir augu bar. Form, línur, áferðir, ljós og skugga. Í Dritvíkinni söfnuðum við sjóslípuðum smásteinum handa okkur sjálfum og sem gjafir handa vinum til að hafa í vasanum og nudda á stressuðum stundum. Endurnærð og í góðum gír ætla ég að rifja upp UT-ráðstefnuna í dag.

2003-03-06T21:42:00.000-02:00

Ég var nokkuð sátt við þá fyrirlestra sem ég sótti á UT á Akureyri um síðustu helgi. Mér fannst þó oftast fyrirlestrarnir búnir þegar hiti var komin í umræðurnar. En þetta er nú þekkt mál. Ég ætla að bíða þangað til í næstu viku og rifja þá betur upp. Ég hef ekki verið nettengd síðustu daga þar sem ADSL - ráderinn var hjá þjónustufyrirtækinu, þar sem þeir voru að setja upp tölvu dóttir minnar. Eiginlega hef ég verið með hálfgerð frákvörf og var mjög sátt þegar búið var að tengja allar tölvurnar aftur. Og allar tenginar virkuðu. Það er vetrarfrí í skólanum hjá mér á morgun og er ætlunin að fara í smá ferðalag á sunnanvert Snæfellsnes. Hann spáir hinsvegar ekki alveg nógu vel. Við mæðgur verðum vel græjaðar með upptökuvélar og myndavélar. Allt auðvita stafrænt. Eins og gefur að skilja er ætlunin að samsamast vestrænni náttúru gegnum myndopið.

2003-02-26T18:57:00.000-02:00

Það er tími til komin að hita upp fyrir Akureyrarferðina og taka nokkrar laufléttar æfingar. Við stöllurnar í Hringnum leggjum í hann eftir vinnu á morgun. Ég er farin að hlakka til, finnst alltaf gaman að fara í feralög. En núna eins og er er ég strandarglópur upp í skóla. Skildi lyklana mína eftir í bílnum, eftir skemmtilegt sýningarflakk fyrr í dag. Ég næ ekki í dóttirina fyrr en forsýningin á kvikmyndinni Nóa albínóa er búin, því þar er hún stödd þessa stundina. Ég hef því reynt nota tímann í að ákveða hvaða fyrirlestra ég ætla á. Ég er að hugsa um að fókusera á fyrirlestra um fjarnám.

2003-02-24T19:06:00.000-02:00

Ég hef verið vinnusöm í dag. Farið yfir próf og unnið í kennsluvef fyrir vefhönnunaráfangann VMM. Þið fáið slóðina ef þessar upplýsingar koma einhverjum að góðu.

2003-02-22T11:32:00.000-02:00

Ég er að kenna í staðbundnilotu þessa stundina. Seinni hópurinn minn er að taka próf í Word. Þær voru kvíðnar fyrir þessu prófi enda búið að leggja mikla vinnu á þær á stuttum tíma en ég get ekki betur séð að þær leysi þetta próf upp á 10,allflestar. Ég sit á meðan og skoða bloggið hjá samnemendum mínum mér til gagns og gamans. Nemendur í Bókasafnstækninámi eru allt konur (meðalaldur 46 ára í takt við minn eigin aldur). Þær eru töff, þrjóskar og úthaldsamar þannig að þeim flýgur áfam í náminu Margar kunnu ekkert á tölvur um jólin og hefur þessi tími því verið þeim ansi strembin.
Stóridagurinn er runninn upp. Dóttir mín er á leiðinni heim í flugi . Ég kemst ekki út á völl að sækja hana en það er búið að sjá fyrir því. Hinsvegar er ég þegar búin að undirbúa kvöldverðinn - auðvita lambalæri.

2003-02-19T21:40:00.000-02:00

Ég var að setja upp sameiginlegan vef fyrir nemendur mína á Upplýsinga og fjölmiðlabrautinni. VMM - vefhönnun - myndvinnsla - myndbandagerð. Þar er að finna kennslugögn og ýmsar tengingar t.d á vefina þeirra. Mér finnst margir vera að gera góða hluti og er ánægð. Þarna er að finna marga efnilega framtíðarvefara. Um helgina er síðan staðbundin lota í dreifnáminu. Ég er að undirbúa mig fyrir það. Ég er alltaf svolítið stressuð fyrir staðbundnuloturnar, því þetta er mikil törn. Og mig langar að gera vel.

Á laugardaginn´kemur rennur langþráður dagur upp. Dóttir mín kemur heim í vetrarfri. Ég hlakka alveg óstjórnlega til fá hana heim, njóta skemmtilegrar félagsskapar og fá vera í móðurhlutverkinu í þrjár heilar vikur.

2003-02-15T11:44:00.000-02:00

Ég ætlaði að hlusta á fyrirlestur Ólafar í dag í KHÍ kl.10 en fann engan. Bæði bókasafnið og gagnasmiðjan var lokuð. Ég hef kannski misskilið einhvað. Ég var dáldið spæld því mér fannst þetta áhugarvert umfjöllunarefni. Í staðinn skellti ég mér í sund. Það var mjög notarlegt og gerði mér gott því ég þarf að skipuleggja mig fyrir staðbundnakennslu í dreifnámi næstu helgi. Það er svo gott að hugsa á sundi. Sund reynist mér oft vel við ákvörðunartöku og hugmyndavinnu. Ætli þetta sé svipað og í hugleyðslu?? Helgin á að fara í undirbúnig og í því fellst meðal annars að setja meira efni inn á kennsluvefinn.
Á fimmtudaginn dundaði ég mér við að gera nýtt rallý, listasafna-rallý. Ég hafði gaman af því því að ég hafði aldrei sjálf skoðað þessa vefi neitt að ráði áður.
Ég fékk stækkun á vefsvæðið mitt hjá ísmennt út 15 í 50 svo það hlýtur að duga um stund. Eftir það ber mér að borga, sem er kannski ekki nema eðlilegt og sjálfsagt.
Og aftur er ég búin að hreyfa við útlitið á blogginu. Minkaði það niður í 65% og finnst það núna læsilegra. Ég lærir nú ýmislegt á þessu fikti.

2003-02-13T07:50:00.000-02:00

Þá held ég loksins að ég sé búin að ná tökum á þessi uppsetningu síðunnar. Þrjóskan kemur manni langt. Ég er búin að nota óratíma í þessa vinnu. Þá sé ég að mér finnst tekstinn í hverri línu of langur, of mörg orð og ekkert auðvelt að fókusera á hann í heild. Þetta er geysilega mikilvægt atriði. Þetta snýst um myndlæsi. Því tel ég óumflýanlegt að mynd (letur er mynd í þessu tilfelli) og innihald haldist í hendur.
Ég er ekki viss um að þetta útlit sé t.d þægilegt fyrir lesblinda (dyslexiu). En núna læt ég þetta gott heita í bili. Skoða þetta seinna. Ætla að hugsa um nýtt rallý.

2003-02-12T14:32:00.000-02:00

Þetta er dálítið seint að taka við sér. Tílraunir dagsins rugluðu blogginu enn og aftur. Ég er búin að laga það sem ruglaði en það tekur svo langan tíma að skila sér á síðuna. Ég sé til með kvöldinu annars set ég nýtt templets

2003-02-11T16:54:00.000-02:00

Eftir MIKIÐ vesen er síðan mín komin í lag aftur og ég ansi glöð. Vonandi hef ég lært einhvað af þessu. Ég vildi finnar úr úr því hvar ég á að setja tengla. Ég fikta aðeins lengur.
Mig langar að ganni að sýna ykkur hvernig við vinnufélagarnir erum saman. Ekki furða þótt sumum finnist við tölvunördar.

2003-02-11T16:31:00.000-02:00

Ég náði að hafa skilaboðaskjóðu í einn sólarhring. Fanns það mjög skemmtilegt. En þá varð ég að fara að fikta dálítið meira og klúðraði henni, þegar ég ætlaði að fara að setja inn tengla..
Ég er búin að vera sð stússast í þessu í lengri tíma en sé að það er best fyrir mig að halda mér við einfaldleikann. Súrt því ég er ágætlega læs á MTML kóða. Get bara ekki skilið hvað ég get verið að klúðra þessu út og suður. Ég held einnig að það sé komið að því að ég sé búin að fylla notendasvæðið mitt hjá Ísmennt. Það kemur mér reyndar ekki á óvart því ég er búin að vera góður vefari síðastliðið ár. Ég er búin að senda inn ósk um stærra svæði. Vona að það gangi hratt fyrir sig svo ég get haldið áfram. Ég er með rallýið í býgerð. Er búin að detta dálítið í hönnun og útlit en það skiptir mig einfaldlega mikilu máli. Get bara ekki komið því út á netið að ég held vegna þess að svæðið mitt er fullt.
Ég var að æfa strákana í Töl 102 í að taka á móti og senda tölvupóst. Það var eins og mig grunaði. Þeir kunnu þetta mjög margir ekki. Mér finnst ég læra heilmikið að vera með þeim. T.d. hvað maður heldur að allir sé að nota tölvutækni til náms og leiks. Það er bara ekki þannig. Það er heldur ekki nóg að hjálpa nemendum að fá póstfang, það þarf að æfa sig. Ég ætla að halda áfram alla önnina og senda þeim póst og láta þá svara og leita af upplýsingum. Ég finn aðþeim finnst þetta ágætt og nytsamlegt. Þeir voru í vélritunarprófi í gær og þá kom í ljós að ca. þriðjungur er lesblindur. Há tala.
Ég panntaði far fyrir dóttir mína heim á Netinu áðan. Hún býr í Berlín en flýgur frá Kaupmannahöfn. Þess vegna varð ég að kaupa farseðilinn hjá Icelandair.dk. Mér fannst þetta dáldið snúið en tókst að lokum. Rosaleg skiptir það miklu máli að það sé hægt að fá svona ódýra farseðla. Þetta gerir það að verkum að það er ekkert mál að koma heim eða fara út til sinna. Á þessum fargjöldum verður fólk vonandi líka afslappara. Fólk sést oftar og ferðin þarf því ekki absalútt að vera svo velheppnuð og innihlalsdrík, sem gerir fólk bara stressað.
Ég var að lesa blöggið hjá samnemendum mínum í gær og sá þá að margir eru ekki að skrifa. Ég var svolítið hissa og fór að velta því fyrir mér hvort það að við erum ekki með samskiptin okkar lengur á vefborðinu l haf þau áhrif að sumir einangrist?? . Það þæti mér voða leiðinlegt

2003-02-08T15:18:00.000-02:00

Tíminn flýgur á ógnahraða. Enn er komin helgi. Mér finnst ég fremur ódugleg að Blogga og ætla að bæta mig í því. Ég verð líka að fá mér skilaboðaskjóðu eins og hinar stelpurnar í Hringnum. Ég er samt ákveðin í að bíða með það þangað til Ingigerður er við hliðina á mér. Ég finn að ég er svolítið kvekkt - hrædd- eftir all klúðrið hjá mér með Bloggið í byrjun sem féll svo í garð Salvörar að leiðrétta.
Ég var að koma heim úr vinnuferð með samstarfskennurunum mínum. Við fengum lánaðann sumarbústað í Þrastarskógi á vegum landsbankans. Það er orðin vita vonlaust að fá sumarbústað leigðan hjá KÍ nema með margra mánaða fyrirvara. Við töluðum um tölvur og græur í rúman sólarhring. Við náðum góðri vinnutörn, borðuðum góðan mat og höfðum það huggulegt saman. Í dag eftir að hinir fóru, fórum við tvær í langan göngutúr og nutum fallega verðursins og útsýnisins við Sogið. Núna ætla ég að fara að skoða hvað nemendur mínir í Bókasafnstæknináminu hafa sett inn á vefborðið. Þetta er í raun glórulaus vinna hjá mér að fara yfir öll þessi verkefnin. En þessar konur eru ferlega duglegar og ákveðnar í að tileinka sér tölvu-tæknina. Ég held áfram svona smátt og smátt að setja inn á
skilasíðuna mína. Mér finnst mjög gaman að vera að skoða og spá í krækjur út og suður. Ég er komin áleiðis með rallýið mitt. Þarf bara að setja það skinsamlega upp á vefsíðuna. Geri það kannski í kvöld.

2003-02-02T11:06:00.000-02:00

Í dag er sunnudagur og komin 2.febrúar. Úti er skafrenningur og ég er enn á sumardekkjum. Hélt jafnvel að ég myndi sleppa við að skipta yfir á vetradekkin. En það verður ekki reyndin.
Í gær var ég á samráðsfundi kennara sem kenna sjónlistaráfanga á listnámsbrautum framhaldskólana. Þetta var mjög gangnlegur fundur og skemmtilegt að hitta hina. Ég setti það efni sem ég kynnti á Netið. Ég var að fatta hvernig maður setur powerpoint glæru á vefsíðu og finnst það góð viðbót. Þett vakti hrifningu félagana og hef ég á tilfinningunni að það sé mikill áhugi fyrir margmiðlun í hópi sjónlistarkennara. Það var einnig töluverð umræða á fundinum hvort það væri ekki tímabært að breyta nafni félagsins úr Félag myndlistarkennara í Félag sjónlistarkennara, því þeir sem kenna sjónlistir eru myndlistarmenn, hönnuðir og arkitektar, en það er annað mál.

Ég hef verið að hugsa um vefrallý fyrir hóp drengja sem ég kenni TÖL.102 byrjendahóp í tölvum. Þessir drengir eru flestir allir að læra bíliðnað. Ég gerði óformlega könnun á því hvernig þeir nota tölvupóst og Netið. Kom í ljós að það er mjög lítið. Þá helst leikir og bílasölur (klámsíður). Af 18 manna hópi nota fjórir tölvupóst reglulega. Þetta eru hressir strákar og örugglega til í að læra. Mig langar mig til að æfa þá í að nota tölvupóst, skrifa og senda viðhengi, myndir o.s.frv. Í byrjun þegar ég spjallað við þá um þetta spurðu þeir mig hvort ég ætti ekki frekar að kenna í Versló, þeir væru bara í bílunum. Þetta gaf tækifæri á mikillri og skemmtilegri umræðu um þá sem tæknimenn framtíðarinnar. En allavegna þá lagnar mig til að gera vefrallý fyrir þá sem á að vera praktískt t.d. um Bíliðnaðarsambandið og þess háttar. Ég veit svo sem ekkert sjálf um þessi mál né heldur um bíla, en það kemur í ljós hvað hvernig þetta vinnst.
Þessi námskeiðsbyrjun hefur verið vítamínssprauta fyrir mig að halda áfam með og uppfæra þá verfi sem ég er með fyrir. Eins og kennsluvefinn minn. Einnig er ég að skoða hvernig ég get breytt þeim þannig að þeir vísa meira út fyrir vefinn sjáfann.

2003-01-30T08:51:00.000-02:00

Kynning

Ég er kennari við margmiðlunarhönnunarbraut Borgarholtskóla, sem er listnámsbraut á framhaldskólastigi. Námsfög mín eru form-, litafræði, myndbygging og módelteikning. Áfangar sem kenna undirstöðuatriði sjónlistar. Ég kenni einnig vefsíðugerð og markvissra tölvunotkun.

Ég er fædd Reykjavík í desember 1956. Dóttir hjónanna Friðriks Ásmundsonar og þorgerðar Gunnarsdóttur. Einkadóttir mín Sara Riel er fædd í Kaupmannahöfn 11.mai 1980. Sara mín er mögnuð og yndisleg stúlka. Hún er að læra myndlist í austurþýsku listaakademíunni í Berlín, hjá prófessor Katrín Sander. Sjálf bý ég í Grafarvoginum ásamt kisunum mínum tveimur Móu, sem er persnenskur eðalköttur og Fíu, sem er íslenskur heimilisköttur og skjaldbökunni Uglu.

Ég útskrifaðist sem myndhöggvari frá Myndlistar og handiðaskóla Íslands 1990 og fór þá straks til Þýskalands í áframhaldandi myndlistarnám. Prófessorinn minn var Wolgang Nestler. Kennsluréttindi fékk ég 1996 frá KHÍ.

Ég kenndi myndlist í Rimaskóla, sem er grunnskóli í Reykjavík í fimm ár en þetta er þriðja árið mitt í Borgarholtsskóla.

Á árunum 1974 til 1985 bjó ég í Kaupmannahöfn. Byrjaði á því að fara í lýðháskóla í Silkiborg en eftir það vann ég og lærði, meðal annars og að verða sjúkraliði. Nám og reynsla sem ég hef með árunum betur og betur kunnað að meta.

Ég hef unnið á mörgum stöðum. Nokkrum í lengri tíma og önnur með námi. Öll flest hafa tengst fólki á einn eða annan hátt, annað hvort umönnun eða kennsla. Svo hef ég líka unnið dálítið við garyrkju.

Starf mitt í dag og áhugamál snúast mikið til um það sama. Sjónlistir í víðu samhengi. Oft veit ég varla hverær starfi líkur og tómstundir taka við. Ég hef verið iðin við að endurmennta mig og í kjölfar námskeiða fæ ég gjarnan óþrjótandi áhuga á því viðfangsefni og helli mér út í vinnu, þróun og útfærslu og líður vel í dellunum. Í dag er það tölvuforrit og nám og kennsla á Netinu. En ég hef nú líka yndi og gaman af allskonar hreyfingu utanhúss og innan og notalegum stundum með fólki og málleysinum.

Tæknisaga.

Rafmagnstæki til heimilisnotkunar er ekki það sem ég hef girnst mest. Tengist það að vissu leiti þeirri lífsýn að eiga ekki of mikið. En þegar betur er að gáð er líf mitt stútfullt af alskyns tækjum og tólum og ég háð þeim.

Lengi vel var ég með svart hvítt sjónvarp eða þangað til 1992, þegar keypt var 28 tommu lúxussjónvarp og tekið með fá þýskalandi. Reyndar fannst mér það svo stórt og viðbrigðin svo mikil frá 14 tommu svart hvíta, að mér hálf flökrað þegar ég horði á það og var í miklum vafa hvort ég hefði gert rétt kaup. Í dag væri ég alveg til í að geta varpað myndunum á vegg með myndvarpa.
Nú er myndbandstæki, örbylgjuofn, sodastreamtæki, matvinnsluvél, kaffivél, ryksuga, þottavél, hárþurkari straujárn, tölvur, prenntari, skannari, símar og hljómfultningartæki, í stöðugri notkun á heimilinu.

Já tölvan. Fyrstu raunverulegu kynni mín voru þau að ég þurfti að gera jólapróf í dönsku 1992. Ég var sein að stað, var að skrifa þetta inn á tölvu, ein í skólanum, kvöldið áður. Mig minnir að það hafi verið tvær tölvur til afnota í skólanum. Ég var að vinna í Word án þess að kunna nokkuð á forritið né heldur að vista gögnin. Það fór þannig að þegar ég var næstum búin þá hvarf allt. Í paniki náði ég einhverju til baka með hjálp bróður minns, símleiðis, en að lokum var það próf að hluta til handskirfað. Fall er fararheill en ljótara próf hefur örugglega aldrei sérst á landinu. Þegar ég byrjaði í réttindarnáminu varð fjölskyldan mín fljótt leið á að deila tölvunni sinni endalaust með mér og ég keypi mér notaða PC tölvu. Steini bróðir minn var mér stoð og stytta og ótrúlega þolinmóður. En að lokum gaf hann mér uppsláttabók og bað mig vinsamlega að reyna sjálf. Það var ekki fyrr en með annari tölvunni 1997, sem ég reyndar erfði, að ég varð Nettengd. Tölvan var nú hálf úrelt þegar ég fékk hana með tilliti til nettengingar svo ég lagði mig lítið fram við kynnast Netinu en síðan þá hef ég notað tölvupóst markvisst. Það var ekki fyrr en í september 2001 að ég keypi mér Makkintonstölvu og í kjölfar þess sagði bróðir minn endanlega skilið við mig. Ekki er neitt svo slæmt að það boði ekki einhvað gott, því þá fór ég sjálf að læra. Núna er það ég sem fer til hans og kenni honum það sem ég kann. Það er þá helst sem viðkemur vinnslu með forrit. Í haust með þessu námi og kennslu við fjarnám að égfékk mér ADLS tengingu. Þvílíkur draumur. Í dag er ég með fína iMac borðtölvu og öfluga Dell fartölvu. Ég er með skanna og prenntara. Ég hef afnot að stafrænni myndavél og upptökuvél. Ég á einnig góða myndavél með aukalinsum og þrífót sem ég nota enn töluvert, þó svo að ég viti að það styttist í að ég fái mér stafræna myndavél. Í myndlistarnámi Söru dóttur minnar er upptökuvélin og tölvan hennar aðal verkfæri. Þrátt fyrir að hún er á myndhöggvaralínu. Hún notar einnig að staðaldri skanna, prenntara, hljóðupptökutæki, mínidisk og myndavélar.

Á vinnusaðnum mínum eru tölvur í hverri kennslustofu sem við notum við mætingaskráningu aðalega. Í vinnuherbergi kennara eru tölvur til samnota. Vandamálið er samt það að það eru fá forrit í þeim tölvum til að gera margmiðlunarefni og heftir það örugglega framþróun. Á margmiðlunarbrautinni sem ég kenni við erum við með þrjú Makka-tölvuver með öllum jaðartækjum. Það er verið að setja upp upptökuver og styttist í að þaðan verði útsendinar.

Við sem vinnum við brautina höfum fengið það orð á okkur að við tölum ekkert um annað en tölur, tæki og tól.

GSM fékk ég 1998 eftir að fjölskyldan mín var orðin leið á að ná aldrei í mig seinnipart dags í skólanum. Það er gantast með það í fjölskyldunni minni að ég sagði tíu árum áður, þegar margir voru að fá sér bílsíma að ég fengi mér ekki farsíma fyrr en ég gæti haft hann í vasanum. Allir hlóu að þessu og fanns þetta algjör fásinna. Mamma sem er 72 ár er líka komin með GSM síma og finnst það bráð nauðsynlegt.
Auk farsímans er ég með þráðlausan síma með númerabirtir. Mér finnst það töluverð þægindi að geta stjórna því hverær og við hvern ég tala í síma.

Bílaflotinn hefur hinsvegar verið enginn. Ég fékk minn fyrsta bíl, Golv, árið 1996 og er enn á honum. Mér þætti það ekki ólíklegt að ef ég byggi miðsvæðist væri ég enn bíllaus. Bíll gefur manni samt töluvert frelsi til að fara ferða sinna hratt og auðveldlega.

Framtíðarsýn

Það verður ekki langt að bíða að við verðum öll með fartölvur, síma-tölvu-mynda-upptökutæki í einu apparatinu.
Hinn daglegi heimur verður stafrænn. Snertiskjá tekur við kennslutöflunni. Sjónvarpstækin hverfa og myndum varpað á vegg. Myndlist heimila / stofnanna verða einnig í því formi, maður kaupir eða leigir myndverk sem varpað er á vegg í styttri eða lengri tíma. Börnin verða með innbyggðu staðsetningartæki svo hægt er að fylgjast með hverju þeirra fótspori.
Kennslustundir verða veruleikasjónvarp svo foreldrar geti nú verið með augun allstaðar án þess að vera viðstaddir. Hlutum verðu meira farstýrt. Hvort þetta sé allt eftirsóknarvert veit ég ekki á þessari stundu en við erum í hraðri tækniþróun og maður verður að trúa því að þetta leiði gott af sér.
Og það það verði margir vakandi íog þátttakendur í umræðunni.

2003-01-30T08:08:00.000-02:00

Ég er búin að lenda í ógöngum með Bloggið mitt. Vandamálið var að ég fyllti stæðið mitt. Gera aðrir betur á einni viku !!! Sannleikurinn er að ég setti vef inn á svæðið sem var allt of stór. Þá veit ég það. 25 mb hef ég til afnota. Hópurinn minn gamli góði "Hringurinn" hittist í gær okkur til gagns og gamans. Við vorum að ýminda okkur að þetta yrði framtíðar vefnaðurinn í saumaklúppum vissra hópa.

2003-01-28T18:21:00.000-02:00

Heil vika er liðin síðan ég skrifaði síðast. Ég hef reyndar verið með hugann við bloggið og skoðað það sem samnemendur hafa gert en ekkert skrifað. En ég er hinsvegar með háfgerða dellu að breyta og bæta. Ég ætti kannski að hætta því þetta fer oft út í algjörg vitleysu.
Síðasta vika fór í að undirbúa og kenna í fjarnámi Bókasafnstækna. Ég bætti inn á kennsluvefinn það sem þurfti og breytti eftir þörfum. Á milli stunda hef ég sett upp SKILASÍÐUNA mína. Nú er ekki til setunar boðið og verð ég að fara að vinna. Gera almennilega kynningu og uppljóstra tækniástand mitt hér á síðunni.

2003-01-22T13:51:00.000-02:00

Nú er ég svo aldeilis hissa. Ef bloggið okkar er vefsíða getur maður náð í hana með ftp. Þetta gerði ég í gær og breytti henni nokkuð og setti hana svo út á Vefinn aftur.Viti menn beytingin kom ekki. Þannig að ég hlýt að vera með tvær síður á Vefnum. En ég get ekki fundið út slóðina. Ég held að Ingigerður Sæmundsdóttir hafi lent í þessu sama. Veit einhver skýringu á þessi???
Hvað með það. Í allan dag er ég búin að vera að undirbúa mig undir kennslu í staðbundni lotu námi fyrir
Bókasafnatækna. Uppfæra kennsluvefinn minn, bæta inn á hann o.s.frv. Skemmtilegt en tímafrekt. . Hann er kannsi lokaður því samstarfsmenn mínir vilja það endilega segja okkur vera í bullandi samkeppni við aðra í þessu námi. Skoðun útaf fyrir sig en mér er hins vegar nokkuð sama. Miðvikudagarnir eru hálfgerðir lúksusdagar hjá mér. Þá byrja ég fyrst að kenna kl. 15 og get því notað daginn heima fyrir mig í náttfötunum við töluna. Þetta er flott ástand.

2003-01-21T21:15:00.000-02:00

Í kvöld er ég búin að sitja við og skoða möguleikana í sambandi við útlitið á Bloggsíðunni. Taka síðuna inn í Dremweaver, setja inn mynd af mér, breyta letri o.s.frv. Ég tapa mér algjörleg í smáatriðunumí staðin fyrir að komast áfam.
.

Ég stóð í þeirri meiningu að ef ég tæki Blogg sem með myndbirtingu gæti ég verið með fleirri síður án auglýsinga og myndum. Svo virðist ekki vera. Ég get verið með fullt af bloggvefum en þeir eru fullir að dóti. Dálítil spæling því ég hugsaði mér gott til glóðarinna og ætlaði að vera á prívatblokki við dóttir mína sem er erlendis. Geta sent henni myndir og svoleiðis

2003-01-20T15:33:00.000-02:00

Ég hef verið svo upptekin af tækninni og að koma þessu af stað að ég hef hvorki kynnt mig né sagt í hvaða tilgangi þessi skrif eru. Ekki það að það þurfi endilega að vera tilgangu með öllu sem maður gerir en það er oftast einhvað sem kemur manni að stað. Í framhaldsnáminu Nám og kennsla á Netinu sem ég er þátttakandi í við KHÍ eigum við að skrifa dagbók á Netinu. Dagbókin á að vera um framgang námsins með tilliti til þess hvernig við notum tæknina. Ég er sjálf nokkuð vel sett með tölvubúnað því ég er bæði með nýlegan Makka og öfluga PC-fartölvu. Í báðum tölvunum hef ég þau forrit sem við vinnum með á námskeiðinu. Það næsta sem ég þarf að gera er að hanna vefsíðu - skilasíðu fyrir námskeiðið. Ég er með hugmynd hvernig ég ætla að hafa hana. Samt verð ég að segja að eftir fyrirlestra helgarinnar hef ég endurskoðað töluvert hugmyndir mínar um hvað svona síður eiga að innihalda.

2003-01-19T14:54:00.000-02:00

Í dag er ég búin að setja inn vefsíðu á svæðið mitt hjá blogger.com. Gekk vel að setja hana inn á svæðið en verra er að ég get enganveginn fundið út vefslóðina. Búin að prófa hinar ýmsu útgáfur en ekkert gengur. Ef einhver getur leiðbeint mér væri það vel þegið ingfri@ismennt.is. Ég setti líka upp annað bloggsvæði svona til að hella mér rækileg út í þetta. Núna ætla ég að fara að spá í hvernig skipulagið og útlitið á að vera á skilamöppunni minni. Hana set ég inn á ismennt svæðið mitt. Ef ég þekki mig rétt tekur þetta allt heillangan tíma hjá mér svo það er eins gott að byrja.

2003-01-18T12:00:00.000-02:00

Komið þið sæl og blessuð.
Þá er ég komin af stað með að blogga. Nokkuð góð með mig. Ég náði að skrá mig í skólanum í dag. Gekk frá því þannig að ég fæ ekki auglýsingar en get sett myndir inn að eigin ósk. Síða kemur í ljós hversu dugleg ég verð við myndbirtingar. Myndin að lunganu sem ég notaðist við í Dreamweaverkennslunni fær að fylgja Hún er táknræn fyrir það að það er eins gott að draga andann djúpt áður en maður kastar sér út í djúpulaugina í þessu námi. Og hlakka til að sjá hvar mann ber að landi.